WOH BEWAFA NAHIN | one sided love story | shayarix

Na jane kyun mohabbat ko bura kahte hain sab….
Pyar ko bhula kar kyun nafarat ke saye me rahte hain sab…..

Uske aane se zindagi meri khilne si lagi thi….
Usse baten karne par mujhe alag si khushi milne si lagi thi….

Main chahti to pyar me auron ki tarah bhag bhi sakti thi…
Ek faisla lekar apne papa ki izaat par laga daag bhi sakti thi…

Magar maine unse apne dil ki baat kahi….
Main unse boli har baat, main chup na rahi….

Mujhe laga tha wo samjhenge mere dil ke jazbaaton ko…
Jaise wo har baar samjhte the is baar bhi samjhenge mere halaton ko…..

Magar unhone meri ek na suni aur usse dur kar diya….
Mere sare sapnon ko ek pal me choor choor kar diya….

Sab kahte hain use bhool jao bewafa hai wo….
Sara zamana bas yahi soch ke baitha hai ki in dono ko milne na do….

Magar kaise samjhaun sabko ki wo bewafa nahi mera pyar hai…
Mere siwa kisi aur ke baare me socta bhi nahi wo itna wafadar hai…

Wo rota hai raat raat mujhe yaad karte huye…
Kahin meri shadi kahin aur to nahi ho rahi yahi soch kar jee raha hai darte huye….

Wo meri khushi ke liye har sitam sahne ko razi rahta hai…
Mujhse badh kar koi nahi hai uske liye har baat me wo kahta hai…

Mera pyar uske liye jismo ka khel nahi man ki pooja hai…
Mere siwa uska duniya me ab koi nahi duja hai…

Aise me bhala kaise main bhool jaun us pagal deewane ko…
Mujhe yakeen hai wo aaj nahi to kal aayega mujhe le jaane ko….

Sab dekhte rah jayenge aur wo mujhe ghodi par bitha kar le jayega…
Wo mujhse kitna pyar karta hai ek din wo zamane ko ye jarur batayega…..