NAFRAT TOH HAI TUJHSE | the angry boy story in hindi | shayarix 2.0

NAFRAT TOH HAI TUJHSE | the angry boy story in hindi | shayarix 2.0

Bahut dekhe the sapne maine tumko sath lekar… Socha tha ab zindagi bitegi ek duje ke hathon me hath lekar…. Magar kisamat aisi nikli ki tum bhi mujh

Bahut dekhe the sapne maine tumko sath lekar…
Socha tha ab zindagi bitegi ek duje ke hathon me hath lekar….

Magar kisamat aisi nikli ki tum bhi mujhe chhod kar chali gayi….
Jo Mera sabse pyara sapna tha hamare liye.. tum use tod kar chali gayi….

Jab bhi dekhta hun tumhe lal jode me, Mujhe apne tan par odha hua kafan yaad aata hai…
Hazar sapno ka ek pal me bikhar jana mujhe aaj bhi bahut rulata hai…

Tumhari muskurahten jo kabhi mere jeene ka sahara thin aaj mujhe kante ki tarah chubh rahi hain…
Meri andheri zindagi me jo tumne jalaye the diye un diyon ki raushni ab bujh rahi hai…

Maine socha tha ki tumhare hi naam mai apni zindagi kar dunga…
Tumhari sari takleefon ko khud pr odh kar tumhe sirf khusiya dunga….

Magar tum bhi wohi nikali jo apna kah kar pith me khanjar ghomp jaate hain…
Jara si majburion ke naam pr picha chhuda kar laut kr fir kabhi nhi ate hain….

Tumhara muskurana ab aise lagta hai jaise mere halat par tum hans rahi ho…
Tumse jo maine pyar kiya usi pyar ke liye mujh par tane kas rahi ho…

Tumhari sakhiyan to tumhe badhai deti hongi ek ameer pati milne par…
Mere dost mujhse dur hogaye hain unki ek naa sunne par…

Kaise sunta kisi ki tab to mere khayalon me sirf tum hi tum hua karti thi…
Mujhe kya maloom tha mera qatl karegi wohi ladki jo meri ek kharoch se bhi dara karti thi….

Dil to karta hai ye duniya hi chhod kar kahin dur chala jaun…
Bas jaun wahan jaa kar jahan tumhe yaad hi naa kar paun…

Magar mere paanv ruk jate hain har baar tumhe yaad kar ke …
Hum maut ko bhi aane nahi dete tumse ek baar milne ki fariyad kar ke…

Nafrat to hai tujhse lekin pyar bhi abhi dil me mara nahi…
Shayad zindagi me likhi hai aur takleefen.. kyo ki mera man abhi bhara nahi…..

COMMENTS

WORDPRESS: 0
DISQUS: 0
Powered by WordPlace