EK AAWAAZ | the magic of voice | shayarix

Baji Tere Ghar Me Fir Shehnai Hogi…

Haathon Mein Toone Mehndi Bhi Rachai Hogi…

Read more poetry : shayarix 2.0

Chipaya Tha Mera Bhi Kya Naam Kahin…

Ya Mere Naam Kee Mehndi Toone Bachai Hogi….

Saj Ke Sawar Ke Sakhiyo Sang Jati Hogi…

Ek Aawaaz Tujhe Apni Or Bulati Hogi…

Dekha Tha Mud Ke Kya Toone Peeche…

Ya Fir Hontho Pe Geet Koi Gungunati Hogi…..

Mala Toone Fir Gale Me Pehnai Hogi…

Palkein Jhuka Ke Haya Bhi Dikhai Hogi…

Aaya Tha Yaad Kya Meri Baahon Ka Haar…

Ya Bhool Ke Sab Nayi  Duniya Basai Hogi….

Baith Ke Toone Fir Tasveere Khinchai Hogi…

Kaandhe Pe Apne Julfe Bhi Lehrayi Hogi…

Dekha Tha Ek Pal Ko Kya Mujhe Bheed Me…

Ya Apne Khwabon Kee Duniya Hi Sajai Hogi….

Agni Ke Fir Toone Fere Saato Liye Honge…

Thaam Ke Haath Vaade Bhi Kiye Honge…..

Aaye Nhi Tujhe Tab Kya Kuch Toote Vaade Yaad…

Ya Bharwa Ke Maang Saare Bhula Diye Honge…..

Vidaai Pe Apni  Tum Royi To Hogi…

Pakon Ko Apne Bhigoyi To Hogi…

Nikla Tha Koi Aansu Kya Mere Naam Ka…

Ya Nayi Zindagi Me Tum Sirf Khoyi Khoyi Hogi…

Sez Pe Baithe-Baithe Foolo Ko Nochti Hogi…

Aatma Kahin Na Kahin To Kachotti Hogi…

Upload your creativity on shayarix 2.0

Band Karke Aankhein Kya Kiya Tha Mujhe Yaad….

Ya Bas Aane Wali Bahaar Sochti Hogi……